Ndáb e nsɔ́n e ehɔ́b é Akɔ́ɔ̄sē embháá edé á Tɔ́mbɔ́l.
Áhed də́ə bad ábe bélyə́gteʼ mam mé Akɔ́ɔ̄sē béladnɛɛ́ âtóge eyale é Dyǒb ne âtíi mam mé ayə́ge dé Akɔ́ɔ̄sē. Bélyə́gteʼ kə́ə́ŋ ne mam mé abɛnlid dé eyale é Dyǒb é Akɔ́ɔ̄sē. Né-ɔɔ́, kénzɛ́ɛ́ awě adəə́ ehɔ́b é Akɔ́ɔ̄sē, awóó kunze âpɛ áhed.
Donge á bad á pag áhed âbɛl béwôngɛn bɔ́ áyə̄le ntíi nhɔ́g káa ḿmíníí. Donge á bad-tɛ ápad âwóngɛn bad ábe bébɛle nsɔ́n ne âsím bɔ́ nkog âbɛl békɛɛneʼ nsɔ́n áʼsō bwâm. Nkɔ́ɔ̄sē asyəə́l atə́ŋgɛ́né ábé bad awôngɛn. Dyǒb ánamɛd.
Bad ábe bébɛleʼ nsɔ́n mé Akɔ́ɔ̄sē ne donge bé belyə́ged bé mwembé
S. N. Ejedepang Koge and others
Ekud é bad éké-wóngɛ́n nsɔ́n mɛ́ Akɔ́ɔ̄sē bwámbwam âbɛl ńkag áʼsō. Bad bédé ábě béēbīī dyamdyam ádě ábɛnlaad tə́ngɛne ngáne nsɔ́n mé Akɔ́ɔ̄sē ńkagké. Sêcháa Dyǒb nɛ́n bán béhyɛ bénɔneʼ enɛ́n ndáb e nsinge âbɛl boŋ bébíi ngáne mam mé Akɔ́ɔ̄sē métimɛɛ́.
Nsɔ́n ḿme bad békébɛnlé ńdɛ́ kəəsɛ e nsɔ́n. Nsɔ́n ńkag-kɛ áʼsō á ndáb e nsɔ́n á Tɔ́mbɔ́l bɔɔb. Ngáne bad ábě béwôngɛn âtóge eyale é Dyǒb bétógkɛɛ́ Melɛ̌ mé nchun, bad ábe bɔ́-ʼɛ béyə́gteʼ ̀Akɔ́ɔ̄sē bɔ́mpē béyə́gteʼ á eʼsukúle ne á dyad-tê. Bad bémpēe-ʼɛ béláaʼ Akɔ́ɔ̄sē á mwembhé-te.
Béláa eyale é Dyǒb á Akɔ́ɔ̄sē-te á akud é mwěmbhé-te á mbwóg e Ekɔ́ɔ̄sē esyəə́l. Né-ɔɔ́, syánē Bekɔ́ɔ̄sē bésyə̄ə̄l ábe dedé á dyad-tê ne ábe bédé á nkáálé detə́ŋgɛ́né asôŋtɛn nɛ́n bán nsɔ́n mé ehɔ́b á Akɔ́ɔ̄sē ńnɔne syánē moosyəə́l. Né-ɔɔ́, nyé mod tɛ́ɛ́ álómeʼ nwôngɛn.
